Wir san jo ...........

... ergänzt für die Ferialis am 11. August 2007 in Ybbsitz vom oidn Fidi

1. Mir san jå die lustigen Håmmerschmiedgsölln, Håmmerschmiedgsölln, Håmmerschmiedgsölln, kenn ma  dåbleim, kenn ma furtgehn, kenn ma tuan , was tuan wås ma wölln, tuan wås ma wölln, wölln.
2. San ma schwårz, san ma weiß, jå wås liegt den då drån, liegt den då drån,liegt den då drån, so lång si a Håmmerschmied åwoschn kånn, åwåschn kånn, kånn.
3. Da Einödhauma der g´hert dem Joe, Wahler Joe, g´hert dem Joe! Hot a Göld kost´, kost´a Oabat, dass an hot is a froh, hot is a froh, froh!
4. Im Hammer vom Joe do haumd Schmied  Hockn gemåcht, Nägl  gemåcht,  Sensn gemåcht, woarn schoarf wia a Messer - des woa jo a Procht, woa jo a Procht, - Procht!
5. Da Jo der baut Bruckn, de san recht schen, san recht schen, san recht schen!  Ma kau üba d´ Ybbs, üba d´Erlauf geh, Erlauf geh –  zua Höhln a! 
6. Da Joe is a Künstler tuat Bruckn baun, Bruckn baun – tats a moi schaun! In Ybbsitz, in Purgstall,  im ganzen Laund, gaunzen Laund – is a Procht!
7. Beim Oitersheim sollt a a Bruckn entsteh, in Scheibbs entsteh,  Bruckn entsteh! Do kunntn ma als oide Leit drübergeh, Leit drübergeh  – gibt koa Göld!
8. Da Prollingboch rinnt von oben herab, oben herab, oben herab! Gibt dem Hammer a Kraft – wer einifoilt wird nass – einifoilt wird nass  - nass!
9. In da Prolling do woa a a kloane Schui, kloane Schui  - kloane Schui! Jo Lehra gabs gnua, oba Kinda net vü, Kinda net vü – des is schod!
10. Blaua Monta, blaua Irta, is uns alls oans, is uns alls oans, is uns alls oans. Wann mar a Geld ham, tan mar an Rausch ham,  wann mar an Rausch ham, ham ma koans. koans, koans.
11. Gebts Wein her, gebts Bier her, gebts Hollabirschnåps, Hollabirschnåps, Hollabirschnåps,, bei uns då geht’s groß her, bei uns gibt’s nix knåpps, bei uns gibt’s nix knåpps, knåpps.
12. Vor dem Hammer da draußn steht a a Bruck, a a Bruck, a a Bruck! Benannt  noch dem Chaos, das de Welt druckt, des de Welt druckt – mitanond!
13. Ihr Leitl – des da sats i sog Euch Griaß Gott, sog Euch Griaß God, sog Euch Griaß God! Es gfreit mi dass kemma sats, no a mal Griaß God, no a mal Griaß God! Mitanaund!
14. Da Ybbsitzer Capo der is a do, is a do, is a do! Dass da Hofmarcher kemma is -  do san ma froh, do san ma froh, froh!
15. Drum Hammerschmied, Hammerschmied hammarts nua zua, hammarts nua zua. Und wann ma gnua g'hammert ham geb ma an Ruah, Ruah!
16. Haum gschoßn auf´d Scheibm – vom Englert Fraunz gmocht, Englert Fraunz gmocht,  Englert Fraunz gmocht!  Auf da Bude wird’s hänga – des wird sei a Procht, wird sei a Procht, Procht!
17. Hoam an Moaster, hoam an Gsölln,  an Lehrbuam gibt’s koan, Lehrbuam gibt’s koan, Lehrbuam gibt’s koan! Könn ma schö stad jetzt aufhörn,  mia hoabn jetzt grad gnua, hoam jetzt grad gnua, gnua!
18. Und wöll ma was trinka, na, dös könn' ma hoabn, dös könn ma hoabn, dös könn' ma hoabn, Dos geht a koan Moaster und koa Moastrin nix an, Moastrin nix an, an!